Blog Credit Score 信貸評分 Check TU真係會拖低信貸評分?
Check TU真係會拖低信貸評分?
作者: CreditGo團隊
|
刊登日期: 18/10/2018
|
5 分鐘
有傳Check TU(環聯)會拖低信貸評分,繼而令信貸報告嘅評級降級。究竟查TU(查詢信貸報告)係咪真係有負面影響?就等CreditGo 為你拆解呢個謎團啦!

定期Check TU信貸報告可以令你了解自己嘅信貸評分同信貸活動紀錄,評分未如理想的話可以主動改善,透過評分升級來獲得更高嘅信貸批核機會同更好嘅信貸條件,例如利率同信貸額等。根據TU嘅調查,信貸評分最高(A級)獲批嘅實際年利率(APR)可以低於5%;而最低(J級)獲批嘅APR則超過45%,天同地嘅分別,可見信貸評分嘅影響力。

但係你可能聽過,「成日Check TU會拖低信貸評分」,呢個講法究竟係咪事實呢?答案其實係睇下你點check。某種形式嘅信貸報告查詢的確會為信貸評分帶來負面影響,但並唔係所有信貸報告查詢都係負面。

信貸報告查詢都有分「軟」同「硬」?

首先,你要清楚信貸報告查詢可大致分為兩種,其一是信貸申請查詢,屬於「硬性查詢」(Hard Inquiry);其二是其他信貸查詢,屬於「軟性查詢」(Soft Inquiry)。故名思義,信貸查詢之所以有「軟」「硬」之分,是因為「硬性查詢」有機會對信貸評分帶來負面影響;而「軟性查詢」則不會於信貸報告上留下紀錄。

「硬性查詢」 – 信貸申請查詢

先講「硬性查詢」,即信貸申請查詢,這種查詢係大家申請信用卡、私人貸款及樓宇按揭等時,授權銀行或財務機構就你嘅申請作出嘅信貸報告查詢。每次「硬性查詢」都會喺大家嘅個人信貸報告上留低紀錄。想知道自己有幾多「硬性查詢」?可以登入CreditGo免費了解自己的「硬性查詢」紀錄。

因此,太過頻密的信用卡或信貸申請會留低多項紀錄,並令銀行及財務機構認為申請人資金周轉不靈或有重大財務困難,隨時有機會令申請被拒,更有機會拖低信貸評分。每次「硬性查詢」對信貸評分的影響因人而異,但「硬性查詢」嘅紀錄會顯示喺信貸報告上2年咁耐,所以建議大家唔好喺短期內大量申請信用卡或貸款,例如申請1張信用卡後,最好等3個月先申請另外1張,唔好因為迎新禮品同回贈,搞到「貪字得個貧」。

「軟性查詢」 – 其他信貸查詢

「軟性查詢」,即其他信貸查詢,包括大家以個人用戶身份自行查閱信貸報告,以及大家使用中嘅銀行同財務機構定期查詢你嘅信貸報告,用作提供適合信貸優惠及調高信用卡信用額等目的。「軟性查詢」亦包括姓名、電話、地址等個人資料的查詢。這類查詢不論次數都唔會喺信貸報告上留低紀錄。CreditGo所提供嘅信貸紀錄就係屬於「軟性查詢」呢一類,所以check得幾密都無問題。

CreditGo-Table-硬性查詢及軟性查詢比較表.png


以「軟」代「硬」 避免損害TU評分

由於「硬性查詢」可能對信貸評分有負面影響,所以以大量申請貸款嘅方式格價並唔明智,較聰明的做法係申請私人貸款或樓宇按揭之前,先以「軟性查詢」嘅方式取得自己嘅信貸報告,再將報告交畀你希望比較利息及條款嘅銀行或財務機構評估,取代授權機構重覆提出「硬性查詢」嘅做法。若大家向TU提取信貸報告,每次需要HK$280;想慳多啲可以考慮利用全港首個信貸報告專家CreditGo免費進行「軟性查詢」。此外,大家申請貸款前,亦可利用市面上嘅貸款比較平台,了解咗唔同銀行同財務機構大概嘅利率水平同申請要求先,再對準目標出擊申請。 

Powered By